Wiktenauer logo.png

Page:MS 3227a 88r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

das peyn zo vellet her sere

Das ander brechen ist / das du och oben salt hende weg stozen / vnd dorof gen och newn geverte / Daz get alzo dar / wen her dich heldit oben pey den achseln / zo lege dein elbogen in syne hant ynnewendig / vnd stoz ym dy hant weg / Vnd och tustu das mit der andern hant / Dornoch magstu dy newn geverte treiben als vor geschreben ist von den arm brechen

Nu merke wy du salt vnden brechen auch czwey Merke wen her dich heldit / zo stoz mit dynen henden an syn gelenke von peider hant / vnd von vnden of / Dorof / gen auch newn / Daz ander das du magst gestozen von of yn dy elbogen / harte mit dynen henden / do magstu auch newne geverte aus brengen / als vor / das syn itczunt vire

Merke aber vire / daz du magst arm brechen / czu dem ersten mal / wen her dich heldit pey den achseln / zo saltu dyne hende mit dyme elbogen / von oben nyder weg / stozen / zo komen syne hende dir an das hawpt / vnd drucke yn czu dir an dyn zeite / vnd merke io das du ym kummest mit dyner hant an synen arm gelenke vnd das du dyn hewpt hinden harte heldist ym den dy hant / vnd mit der andern hant ym an syne brust weg stoze / zo brichstu ym den arm / aber setczist ym dein fus vnder / zo vellet her gar sere

Das ander geferte ist auch alzo / sunder daz du von vnden of slest dyne hant / zo windestu syne weg / zo kumpt syne hant / vnder dyn arm / zo lestu yn vm lawfen / ader setczest ym eyn fus vnder zo vellet her / Das selbe geverte magstu tun czu der andern hant auch czwei / zo werden auch viere / das werden denne nu achte

Doch merke wenn du/yn ümgreifest mit dem leibe / ader vm den leip / vnd dyn hewpt harte harte heldest an seyne brust / vnd wenn her dir denne an das kynne greifet mit eyner hant / vnd mit der andern an das hewpt / zo stoz yn weg / Dornoch / stoz yn /magstu syne hende / mit eym peyn vörsetczen auch weg stozen / So mag her dir dyn peyn auch weg stozen / mit sym fuße / vnd auch dich oben mit synen henden / das bricht dir denne weder dyn ringen / vnd dyne sterke

Vor hatzstu nu achte