¶ Eyn man hat nür czwn hende / vnd hat von ider hant czwen slege oben / vnd vnden auch czwene / aus den komen stiche vnd snete / als of dem swerte ist / mit den winden / Vnd eyner hat vier schrete / vorsich eynen vnd hindersich eynen / vnd czu itzlicher syten eynen / dornoch sichs gepürt / noch dem gesetze des gefechtes / Off dise geschreben rede / mit sampt dem fundament vnd principia do sint alle dink auf gebawet / deser kunst /
¶ Auch wisse recht zam nichtes nicht am messer üm zost ist irdocht vnd gemacht / zonder daz man is alles bedern vnd nütczen sal / noch dem als sichs gepürt / vnd als dy kunst fordert vnd begert ader heist / als sal och keynerleye dink noch gelid am menschen syn / daz do / feyer vnd ruge / wen is dorczu kumpt / daz syn dy kunst begert vnd fordert / czu der selben erbeit /
¶ Auch wisse das dy rechte hant der linken veynt sal syn / vnd dy linke der rechten / vnd dy eyne hant sal hin setczen vnd abeweisen / vnd dy ander sal schaden tuen /
¶ Auch wisse / das czwene schilt trete syn / dy czu allerleye gefechte gut vnd nütcze syn / cz eyn hindersich vnd eyn vörsich / vnd syn dy schrete wen man eyn beyn öber das ander kewczeweis leit vnd slewst / ader schrankt /
