seinem Spieß im durchwechseln zů weit vndersich oder auff ein seiten vergibt / wie das dann leichtlich geschehen kan / so stoß jhm dieweil der also durchwechselt / fúrsichtig vnd behend zům gesicht / Fúrs dritt eben darumb dieweil du vermerckest der dir auff dein durchwechseln lauren / so wechsele im erst durch / vnnd merck aber fleissig dieweil du vor jhm also durchwechselst / auff sein herstossen / als bald sein stoß herfleugt / so schlage im den mit einem seiten schlag auß / vnd stoß behendiglich nach / Wirstu gewahr das dich einer mit seinem durchwechslen zům stoß anreytzen vnd vmb denselbigen betriegen will / so thů als verstandestu das nicht / vnd stoß jhm ernstlich vnd doch fúrsichtig / also das du deinen Spiße nicht auß deinem gewalt fahren lassest / hinein jhm zů / vnnd in dem er dir den will außschlagen / so wechsel mit deinem stoß vndnen durch / so schlecht er nicht allein vergebens auß / sonder verfehret sich auch mit seiner Stangen zů weit auff ein seiten / damit er die ander seiten blóst / darumb stoß im dieweil er also auußschlagen will / nach deinem durchwechseln auff der andern seiten hinein.
Mittellhůt.
JM zůfechten schicke dich in die Mittelhůt / gegen welche seiden er dir als dann hersticht / so trit du auff die andere seyten / vnd stoß mit jhm zůgleich / im hinein stechen aber so wende die Lange schneide gegen seiner Stangen / damit du seinen stiß dester sicherer hiemit von dir abweisest.
So er dir aber zů deinem vndern leib herstossen wirt / so hebe den hindern theil deines Spiesses vbersich / vnnd lasse hiemit das vordertheil desselbigen vndersich sincken / vnd schlage jhm hiemit seinen herfliefegenden stoß zwischen dir vnd jhm / mit hangender Stangen zůr seiten auß / vnd stoß jhm behendiglich mit wider vbersich gewender stangen zůr Blóß. Begegnet dir aber dein gegenfechter in gleicher Hůt / so binde jhm mit ernsthafften geberden an / vnd ehe er sich des versihet / so trucke jhm seine stangen mit einem neidlichen truck zůr seiten auß / vnd in dem er sich gegen deinem außtrucken sperren vnd widerhalten will / so fahr eylens vnder seinen Spieß durch / vnd stoß auff der andern seiten mit einem außtrit hinein.
Dempffhůt.
MErck wann du im zůfechten (nach außweisung obgemelten Bildes / in der Figur I. zůr Lincken hand) in die Dempffhůt ankommen bist / so behalte deinen Spieß in gewaltiger stercke / also das er dir denselbigen nicht
