du geschwindt vnnd starck von Vnden vnd Oben gegen einander durchbrechten / auff das du jhm hiemit alle seine Stich abtragen könnest / vnd schauwe aber vnder deß fleissig auff dein gelegenheit / wie du hiezwischen ein Blóß ereylen mögest.
Dise vier Thribháuw / nemlich die ersten durchs Kreutz / vnd die zwen andern vberort / soltu alwegen ineinander treiben / vnd vndereinandern abwechseln kónnen / auß welchen dann andere Treiben mehr folgen werden / wie du aber auß dieser vnd dergleichen Wehr Fechten solt / will ich dir in der ordnung etliche stuck nach einander setzen / wie folgt.
Das erste stuck auß dem Oberhauw.
JM zůfechten wan du fúr deinen Man in gerader Versatzung oder flet Hůt / so nahet zů jhm komen bist / also das beide Blat zůsamen binden oder rúhren kónnen / so erhebe dein Helleparten zů sampt deinem Lincken Fůß / der dann vor stehn sol / eylents vbersich / vnd hauwe uhnversehenlich behend gegen seiner Rechten / hart an seiner Helleparten / von Oben gegen seinen henden starck durch nider / vnnd im herab hauwen / so Wechsele hiemit vnder seiner Helleparten durch / vnd Stich als bald auff der andern seiten / das ist / gegen seiner Lincken seiten zů seinem gesicht.
Das ander stuck aus dem Oberhauw / lehrt dich wie du dein Helleparten geger deiner Lincken vmb den Kopff zucken / vnd gegen seiner Lincken durch hauwen / demnach gegen seiner Rechten zum gesicht stechen solt.
FIehrestu dein Lincke hand in der Stangen deiner Helleparten vor / so mercke als bald du jm sein Blat mit dem deinen erlangen kanst / so erhebe deine Helleparten mit beiden henden eylents vbersich / vnd hauwe außwendig gegen seinem Lincken arm (welchen er in der Stangen vor hat) von Oben nider / mit einem fernern zůtrit deines Lincken fůsses / starck durch / auff das du nach ende des hauwes / durch weit von einander tretten / mit dem obern leib wol nach gesenckt standest / disem durchhauwen wirt er eylents nach stechen / Derwegen merck fleissig das du (in dem er hersticht) mit dem rechten Fůß hinder deinem Lincken außtrettest / vnd schlage jhm (dieweil
