Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/376

From Wiktenauer
Revision as of 02:37, 14 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Bruch.

ZIech die Rechte hand zů dir / vnnd schlag jhm mit deinem Lincken Arm von aussen vber sein Rechte / schwing dich mit dem schlag von jhm / gegen deiner Rechten seiten vmb.

Item stehe mit dem Lincken vor / faß dein Dolchen in der mitte neben deiner Rechten / das der Knopff vber die hand außstehe / sticht er als daň auff dich / so versetz den stoß mit deiner Lincken verkehrten hand / von deinem gesicht / vnder des tritt mit deinem rechten Fůß wol zů jhm / also das du dein Rechte seiten vnder deinem arm wol gegen jhm gewendet habest / vnnd stoß in des mit dem Knopff von Oben aussen vber seinen rechten Arm zům gesicht / vnnd merck als bald er den stoß versetzen wil / so fahr jhm von inwendig vnden auff / zwischen sein beiden Armen zům Kün mit dem vorderen ort starck vbersich durch / demnach Stich jhm wider von Oben durch sein gesicht / mit einem abtrit / hab acht seiner Rechten mit deiner Lincken.

Item wann du jhm wie gelehrt / sein hand mit deiner Lincken auff gefangen hast / so trit abermals mit deinem rechten Fuß zů jhm / vnd fahr mit deinem Dolchen vnder seinem vnd deinem Arm durch / vnd reiß mit deinem Dolchen knopff ausserhalb vber seinem Rechten arm / starck vndersich gegen deiner Rechten auß / also das du in solchem vndersich außreissen / mit deiner Lincken seine Rechte ledig lassest / Stich demnach behendiglich von vornen durch sein gesicht / mit einem abtrit deines Lincken Fůß.