Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/370

From Wiktenauer
Revision as of 02:33, 14 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Wasz die fúrnemsten versatzung seind.

IM Dolchen hastu zwo versatzung / die eine geschicht mit dem Dolchen davon bißher gesagt / die ander geschicht mit der Lincken hand / also das du im mit derselbigen kónnest seine hand darinen er den Dolchen fúhret auffhalten / vnd empfangen / Wie du nun deren ein jede brauchen solt / wirstu auch durch aus in nachfolgenden stucken bericht werden.

Item trit also mit der Oberhůt zů im / vnd halt dein Lincke hand vor deiner Brust / sticht dein widerpart als dann auff dich von Oben / so fang jhm sein hand mit deiner verkehrten hand / vnd reib die vmb von dir / vnd stoß jhm mit dem Knopff vnden an sein gelenck / wie dich das eusser Bild in der Figur B. lehrt.

Merck im zůfechten geht einer auff dich mit einem oberstich / so vnderfahr jhm seine hand noch also hoch in der lufft / behalt jhm also sein hand mit deiner Lincken in der hóhe / greiff behend mit deiner Rechten hand zů sampt dem Dolchen vnder seinem rechten Arm durch / kome damit der Lincken zů hilff / wie du solches an den gróssern bossen in der jetz gedachten Figur B. sehen kanst / zůgleich in dem du also durch griffen hast / so trit mit deinem Rechten wol hinder seinen rechten schenkel / vnd schlieffe vnder des mit deinem Kopff vnder seinem rechten Arm durch / wirff jhn also vber ruck / oder brich jhm den arm.

Item im zůfechten komme in die Vnderhůt / vnd lege den Dolchen auff deinen Rechten arm / vnd merck in dem er von Oben her sticht / so vnderfahr im seiné rechten Arm mit einem zůsprung vnder seinem Dolchen / vnd fang im den auff dein zwerch Dolchen / nach bey seinem gelenck auf als bald vnd gleich mit ergreiff in auch mit deiner Lincken hand bei seinem Elenbogen / rucke den