Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/193

From Wiktenauer
Revision as of 01:08, 11 February 2015 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Ein anders in welchem gelert wirt / wie du sein gegenpare zu eim Hauw anreitzen / denselbigen auffangen / vnd alßdann wañ er ferner auffahren wil / wie du jhm dieweil durchs gesicht oder Arm hauwen solt.

WAnn du an einem gewar wirdt / daß er bald nach Hauwet / so soltu solche stuck auff jhn treiben / mit welchen du jhn anreitzest vñ fürderst zů hauwen / Also / Stelle dich mit geberdé als woltestu gewaltiglich hauwen / laß aber doch nicht treffen / sondern verziehe denselbigen hauw zů einer versatzung / damit du jhm sein hauw / mit welchem er vermeint dich zůereilen / auffangest / vnd jhm sein vortheil also abjagest / dessen nim ein Exempel / Fúhre mit einé zůtritt einen hohen streich auff jhn / vñ in dem es jetz antreffen sol / so wende die kurtz schneid gegen seiner Lincken / erhole dich damit zů einem Vnderhauw gegé seiner Rechten / welchen Vnderhauw / du doch nicht volbringé solt / sonder als bald er demnach auffzeucht vnd herhauwet / so hauwe dé Vnderhauw zů welchem du dich jetzt erholet hast / vñ fange sein herfliegenden hauw noch in der lufft / mit solchem Vnderhauw von deiner Lincken / auff / vnd merck / Als bald er wider vó der versatzung abgehet / vñ auffehret / so hauw dieweil ein gewaltigen Mittelhauw von deiner Rechten / behend durch sein gesicht / alßdan von deiner Lincké ein Zornhauw / lang hernach.

Wie du einen mit gewalt auff vnd nider treiben solt / damit er dir mit den Mittelháuwen / beide zůjm zů Armen / vnd durch sein gesicht zů hauwen / raum geben můß.

WEnde die recht seit wol gegen jhm / vñ Hauwe / mit zweyen zůtritten deines rechté Fůß zwen hoher gerader vñ starcker háuw in eim trib durch sein gesicht / so bald du jn mit seinem Dusacken in die hóhe getriben hast / so hauwe behend zwen Mittelháuw / von beiden seiten gegen einander / Den ersten von deiner Rechten vnder seim Dusacken / gegen seim inwendigen Arm durch / Den andern in dé er herab fehret /