rechté Arm treffest / als bald hauw zum dritté ein Zornhauw / von deiner Rechten schlims gegen seiner Lincken durch sein Gesicht / helt er aber sein Versatzung hoch / so hauwe den Ersten vnderhalb seinem Dusacken / von deiner Lincken gegen seinem rechten Arm durch / vnd in dem er herab feller / dem Hauw nach / so hauwe den andern behend von deiner Rechten / Oberhalb seim Dusacken / zu seinem Gesicht / wann du dise zwen Háuw behend auff einander thůst / so driffest du entwe ders im Ersten sein Arm vnderhalb seim Dusácken / oder mit dem andern sein gesicht / Oberhalb seim Dusácken / dañ schwerlich wirt sie dir beide versetzen / desgleichen / führt er sein Wehr zu weit auff seiner Rechten seiten / so hauwe den Ersten von Oben gegen seiner Lincken seitten gewaltig durch / tritt vnd hauwe den andern(in dem er mit seiner Wehr dein streich zu begegné auff sein Lincke seitten verfehrt) auffen vber sein Rechten Arm / herwiderumb / wann er die Wehr zu weit auff seiner Lincké fúhret / so hauwe den ersten gegé seiner Rechté von Oben durch / den andern / zu seiner Lincken mit abtretten / vnd solche Háuw sollen allwegen behend alle beide auff einander gehen mit jren tritten / wie man aber von einerr Blóß zur andern verfúhren soll / wirstu durchauß in stucken genugsamen bericht finden.
Vom versetzen / vnnd wie alle Háuw in drey theyl / das ist in Reitzer / Nemer / vnd Treffer geteilet werden.
Das sechst Capitel.
Demnach bißher die Leger vnd Háuw / auch von den Blóssen / auff welche die Háuw gerichtet werdé / nach lenge erklárt / vñ aber nicht genůg / das du bißher gelehrt / wie du die Háuw gegen deiner feindt stadtlich vnd lang von dir hauwen kanst / sonder ist auch von nóten / das du nicht weniger solcher Háuw / wo sie von deiner widerpart auff dich gehauwen werden / abweisen vnnd versetzen kónnest / derhalben ob ich wol im Schwerdt vom Versetzen in gemein geschreibé / so wils doch die notturfft erfordern / das ich hie im Dusácken vom versetzen / als von dem andern Hauptstuck des fechtens / etwas klárlicher vnd eigentlicher handle / ist derowegen zu mercken / das der Versatzung fürnemlich zwo seind / Nemlich / Eine von Oben / die Ander von Vndé / auß der ersten / so vom Oberhauw kompt / entspringt das Leger / genandt Schnitt / oder auch gerade Ver=
