Wiktenauer logo.png

Page:Cod.icon. 393 I 121v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Alius habitus praecedentis modi.

In hoc congressu cum utrique habitibus utris usi estis, et sinistros pedes utros praeposuistis, tuque porrecto brachio acinacem contines, ita ut longa acies superne consistat, tum mucrone de latere tuo sinistro in visum hostis coniicias. Verum inde acinace paululum demisso, manum tuam ea ratione convertas, ut acies brevis superior sit, post gemino ictu caput ferias hostis. Sed si adversarius mucronem acinacis tui in tuum visum concusserit, te in libra constistente, atque manum dextram qua acinacem contines pectori tuo admoveris, mucrone sursum converso, tum hostili punctioni aciem tui acinacis longam obiicito, nec non eandem vim hostilem ea ratione avertito in latus tuum dextrum. Et si is gemino ictu caput ferire conetur, celeriter in tui defensione acinace constituto eo modo ut longa acies superior sit, mucronem visui ipsius impingas. Inde celerrime demisso acinace, sinistra manu sinistrum adversarii itidem pedem praepositum corripito, atque sursum alleves. Sin vero interea caput ferire tuum conetur, tum ex tui defensione ab inferne hosti obviabis, nec non ictum hostilem in latus sinistrum tuum reiicias, et eodem conatum aciem acinacis tui longam brachio ipsius dextro inferne adplicato iuxta manum. Inde superne cum tui defensione abs te repellas inferne vero sursum alleves, et ea ratione concidet adversarius. Sin tu ab hoste pari modo fueris correptus, tum quantum celerrime poteris laeva manu interne manum ipsius dextram adprehende et supprimendo versum te eam si attraxeris una tecum corruet, atque eo pacto vetabis ne brachio tuo acinacem applicet suum, etiam in ipso prosternendi actu caput adversarii sauciare licebit.