Wiktenauer logo.png

Page:Cod.44.A.8 089v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Hant vnd druck das swert mit dem knopf nider zu° der erden vnd setz ÿm an ~

Item oder setz ÿm ab zwischen deine~ zwaien henden vnd mit dem knopf gestossen für den hals vnd vnden mit dem rechten pain getretñ hinder sein lincks vnd dar über geworffen ~

Item oder setz ÿm ab mit dem ort vnd ym angesetzt an sein gesicht

Oder wechsel durch mit dem knopf vnd setz da mit ab

Item ob er die hant hat vmb gewant auf der klingen so stich in oben in die finger vnd heb vber sich auf ~

Item aber ein pruch wider das an setzen stich ÿm vnden durch sein hant vnd vber sein swert vñ er pür den knopf vber sein lincke hant vñ ruck do mit nider vñ setz an

Item wenn dir ein° wil mit dem knopf vmb den hals varñ vber dein rechte achsel So begreif im den elpogen mit der lincken hant vnd stos in von dir vnd stich mit der lin rechtñ hant krefftigklich ~

Item oder begreif mit der rechten hant sein rechte vnd mit der lincken nÿm im das gewicht peÿ seinem elpogen ~

Item ruck in zw dir mit sein° rechten hant vnd begreif ym den leip vnd gewinn ym die seitt an vnd erheb ÿm vnd slach ÿm vnden aus den fües so felt er daz ist auch gut