mein, durch lange erfahrung, mit allem fleiß zusamen getragne arbeit, und gründtliche beschreybung und erklerung der mehr angeregten Ritterlichen Fechtkunst, underthenig und mit höchstem fleiß, bittend Euer Fürstliche Gnade wolte das mit allen gnaden von mit auff und annemen, auch desselbigen (als das nun mehr Euer Fürstliche Gnade eygen) hohen Patron, und auch mein gnediger Fürst unnd Herr sein und bleiben, den Allmechtigen von hertzen bemütig bittend, er wölle Euer Fürstliche Gnade sampt dem gantzen Churfürstlichen Hauß der loblichen Pfaltz, in langwiriger fridlicher Regierung, auch aller zeitlichen und ewigen wolfart allmechtiglich erhalten. Euer Fürstliche Gnade mich zu gnaden hiemit underthenig befehlend, Datum Straßburg den 24. Februaruii, Anno 1570.
Euer Fürstliche Gnade
- Undertheniger und gehorsamer
- Joachim Meyer Freyfechter unnd Burger zu Straßburg.
